La fracziun dal center ha elegì Philipp Matthias Bregy sco nov president. Il Vallesan da 42 onns succeda uschia ad Andrea Gmür-Schönenberger. Quai ha communitgà la terz gronda fracziun dal Parlament federal.
Bregy è dapi dus onns cusseglier naziunal. El è stà il sulet candidat per l’uffizi.
Sco el ha ditg envers SRF, haja el quaidas da posiziunar la fracziun e da tschertgar ensemen cun autras partidas schliaziuns constructivas.