Fracziun dal Center - Philipp Matthias Bregy è tant sco elegì sco schef da fracziun
Tgi che daventa successur dad Andrea Gmür sco schef da fracziun dal Center en il Parlament federal è quasi schon decidì: Sco retschertgas da Radio SRF mussan, vali sco fitg probabel ch'il cusseglier naziunal dal Vallais, Philipp Matthias Bregy, vegn elegì ils 21 da matg.
Bregy ha 42 onns ed è pir dapi dus onns en il Cussegl naziunal. El è stà l'emprim ch'ha via medias annunzià sia candidatura per la successiun dad Andrea Gmür. E sco i guarda or, vegn Bregy er a restar l'unic candidat, fin tar il termin dad annunziar, n'hai betg dà autras candidaturas.
L'ultim cuntracandidat potenzial, il cusseglier naziunal turitgais, Philipp Kutter ha entant er ditg giu. Bain avess il post interessà el, ma i manchia il temp, ha Kutter ditg envers Radio SRF.
