La fracziun da la PBD dal Cussegl grond vul in stop da novas plazzas da lavur tar il chantun. La PBD inoltrescha anc questa sessiun in’incumbensa tar quest tema. Quai ha Gian Michael, ha il schef da fracziun, confermà ad RTR.
La regenza duai sviluppar fin la fin dal 2024 in concept per evitar che novas plazzas da lavur vegnian creadas. Novas plazzas en l'administraziun duain vegnir cumpensadas cun midadas da plazzas u cun la fluctuaziun natirala.
Creà memia bleras plazzas
Sco quai che la fracziun scriva, haja il chantun creà tranter il 2016 e 2020 bler dapli plazzas da lavur che quai che avess tenor la BDP fatg da basegn. Tranter auter cun la digitalisaziun e cun il nov center d'administraziun «Sinergia» duessi dentant esser pussibel dad optimar ils process da lavur. Er en vista al budget, che tendescha vi e pli envers in deficit, saja impurtant da nizzegiar las resursas uschè effizient sco pussibel.
La discussiun enturn las plazzas tar il chantun è adina puspè stà tema durant la debatta da budget en il Cussegl grond:
