L'emprima giada dapi il schaner 2015 ha il curs dal franc tar l'euro puspè prest cuntanschì il curs minimal dad 1,20. Responsabel per la svalitaziun dal franc svizzers èn plirs facturs. In è tenor Claude Zehnder da la banca chantunala da Turitg, che blers investurs sa decidan per il mument plitost per il Yen che per il franc. Per auters analists è la politica da daners da la banca naziunala in factur decisiv per questa constellaziun dal curs. Quella augmentia mo fitg plaun il tschains.
Ils experts spetgian ch'il curs pudess perfin surpassar la marca dad 1,23 u 1,25. Pli spert che la Banca naziunala svizra normalisescha dentant sia politica da daners, vegnia il franc puspè pli ferm.
SNB aveva terminà il salvament dal curs minimal
Enfin il schaner 2015 aveva la Banca naziunala investì blers daners per betg ch'il franc crodia sut la marca minimala dad 1,20 francs per euro. En ina acziun tut surura era la SNB dentant sa decidida da metter ina fin a la protecziun dal curs.
RR novitads 16:00