Siglir tar il cuntegn

Header

cuntegn

Franc ferm Banca naziunala sto far frunt a critica

Adina mo critica – tant per il curs minimal dad 1,20 francs sco era suenter pervi dal franc ferm. La banca naziunala ha stuì tadlar critica da la politichers sco era dad economs.

Avant ils 15 da schaner 2015 han ins crititgà la banca naziunala svizra per las cumpras da devisas. Cun lezzas ha ella impedì ch’il curs visavi l’euro crodia sut 1,20 francs. Era suenter n’è la critica betg tschessada.

Mantuns da devisas

Per tegnair il curs minimal aveva la banca naziunala mantunà fin avant tschintg onns devisas da radund 495 milliardas francs.

Ma era suenter che la banca naziunala ha laschà crudar il curs minimal, ha ella intervegnì en la martgà per impedir ch’il franc daventia memia ferm. La fin dal 2019 aveva la banca naziunala devisas da 771 milliardas francs.

La reputaziun da la banca naziunala ha patì.
Autur: Damian Gliott expert per damondas da finanzas

Quel di che la banca naziunala haja communitgà da betg pli defender il curs minimal, saja il franc crudà massivamain e la bursa haja pers 15 pertschient, sa regorda Damian Gliott. L’expert per dumondas da finanzas crititgescha ch’ins ha laschà crudar il curs minimal dad in di sin l’auter.

La banca naziunala avess pudì sbassar pass per pass il curs minimal.
Autur: Damian Gliott expert per dumondas da finanzas
audio
Bunura: Curs minimal: co èsi sa sviluppà?
ord Actualitad dals 15.01.2020.
laschar ir. Durada: 3 minutas 48 Secundas.

RTR actualitad 08:00

Artitgels legids il pli savens