La fermezza dal franc flaivlenta considerablamain ils exports svizzers. Il creschament da l'export svizzer è il mument radund 5% pli bass che quai ch'ins pudess spetgar en vista da la dumonda, quai han calculà ils economs da la banca Credit Suisse.
Las perspectivas d'export da las interpresas pitschnas e mesaunas sajan sin in bass da record. Il decurs dals quartals èn ils exports sa reducids sin il pli bass nivel dapi il 2010 e plaunet s'extenda il pessimissem.
En 7 dad 8 secturs quintan las interpresas cun damain exports.
