Svizra
-
Franc franescha fusiuns
En Svizra han danovamain damain firmas fusiunà. Da l'avrigl fin il zercladur è il dumber da las fusiuns sa reducì per 6% sin totalmain 128 transacziuns. Quai mussa la statistica da l'interpresa da cussegliaziun EY. Cumpareglià cun l'onn passà è il dumber sa reducì per 41%.
Surtut l'intschertezza pervi dal ferm franc frainia la veglia d'expander, uschia scrivan ils auturs dal studi. Dapi il stan da record dal 2014 è il dumber da las fusiuns ussa gia sa reducì il terz quartal en seria. EY quinta dentant ch'il dumber sa stabiliseschia sin il livel actual.
RR novitads 10:00
