Persunas malsaunas duain pajar ina pli gronda cumpart dals custs da sanadad sezzas. La cumissiun da sanadad dal Cussegl naziunal vul auzar la franschisa minimala per las cassas da malsauns dad actualmain 300 francs sin 500 francs. Cun 13 cunter 10 vuschs ha ella approvà ina moziun correspundenta.
La maioritad da la cumissiun è persvasa, ch'ils segirads sa cuntegnan pli conscient als custs, sch'els han da pajar ina pli gronda cumpart sezs. La cumissiun vul uschia impedir visitas tar il medi inutilas. Las premias duain uschia vegnir stgargiadas per 430 milliuns francs u per 1,7%.
RR novitads 17:00