Siglir tar il cuntegn

Header

Navigaziun

cuntegn

Svizra Franschisa pli auta duai gidar a spargnar

Il Cussegl naziunal auza la franschisa minimala da 300 sin 350 francs – e suonda uschia al Cussegl dals chantuns. In na datti per la proposta d’auzar la franschisa sin 500 francs.

In medi avra l'esch d'ina stanza da spetga.
Legenda: Ils politichers speran che las stanzas da spetga daventian pli vitas. Keystone

Refusà ha il Cussegl naziunal la proposta da sia cumissiun da sanadad, d’auzar la franschisa minimala per 200 francs. Quai cun 162 cunter 21 vuschs. La cumissiun era da l’avis – ch’in tal augment saja supportabel per ils malsauns.

Resistenza è gia annunziada

Ils socialdemocrats èn sa mess cunter auzar la franschisa minimala. Adina dapli persunas emprovian d’evitar ina visita tar il medi, perquai ch’els na possian betg pajar la franschisa. Gia pli baud a la PS ensemen cun ils Verds e pliras organisaziuns decis, da prender il referendum cunter l'auzament da la franschisa.

L’adattaziun da la franschisa minimala è uss pronta per la votaziun finala tras las duas chombras a Berna.

RR novitads 15:00