Il president franzos Emmanuel Macron vul impedir che la milissa terroristica Stadi islamic (SI) daventia puspè pli ferma en la Siria. Perquai è el la gievgia s'inscuntrà cun represchentants da la milissa curda SDF che cumbatta cunter l'organisaziun extremista en la Siria. Suenter l'inscunter ha il biro da Macron communitgà che la Frantscha sustegna il SDF en il nord da la Siria.
Critica da la Tirchia
La Tirchia ha reagì cun critica sin questa decisiun. Cun questa tenuta n'haja la Frantscha nagin dretg pli da sa lamentar d'organisaziuns terroristicas, terrorists u attatgas terroristicas ha ditg Erdogan ad Ancara, ha il president tirc Recep Tayyip Erdogan attatgà la decisiun da Macron.
Quels che dorman en il medem letg sco ils terrorists u ils envidan perfin en lur palazis, vegnan pli baud u pli tard a vesair ch'els fan in sbagl.
RR novitads 06:00