Siglir tar il cuntegn

Header

Purtret dad ina scolasta cun trais scolars.
Legenda: Il Franzos duai restar en la scola primara. Keystone
cuntegn

Svizra Franzos duai vegnir francà en la scola primara

Las uniuns da scolasts vulan sco il Cussegl federal, avair il franzos en la scola primara. Il medem temp vulan ellas laschar ina gronda libertad d’agir als chantuns. La Magistraglia Svizra e l’uniun da scolasts romanda SER han fatg questa proposta en il rom da consultaziun da la lescha da linguas.

L'ultima provocaziun en la debatta da las linguas è capittada en la Turgovia. Là ha la regenza purtà en consultaziun il nov plan da scola che n'aveva betg pli en franzos en la scola primara. Il fanadur è il Cussegl federal entrà en la discussiun. Quel vul ch'ina segunda lingua dal pajais duai entschaiver gia en la primara.

Las uniuns da scolasts sustignan il Cussegl federal en questa chaussa. Problematica è la situaziun sur tut per uffants che midan chasa en in auter chantun. Las differenzas tranter ils livels pon esser uschè grondas ch'i è necessari da dar a quests uffants lecziuns supplementaras. Quai procura per gronds custs.

RR novitads 11:00

Artitgels legids il pli savens

Scrollar a sanestra Scrollar a dretga