En passa 70 pajas en l’entir mund èsi vegnì demonstrà. A Turitg èn, tenor ils organisaturs, var 4’000 persunas stadas da la partida. Ellas purtavan placats cun scrit si: «midada da sistem» e betg «midada dal clima». Ellas averteschan da las consequenzas dal stgaudament dal clima: La midada ha lieu qua ed oz. Sin il Münsterplatz a Berna udivan ins stgellas. Là èn stads var 500 activistas ed activists preschents, per la gronda part giuvens. A Lucerna han 200 fin 300 persunas pretendì «ina normalitad cun futur». Demonstraziuns hai era dà en autras citads sco a Genevra ed Aarau.
Era en auters pajais è la glieud ida sin via. Uschia a Berlin nua ch'era Greta Thunberg è stada da la partida. Ella è l'inizianta dal moviment «Fridays for Future».
Ord l'archiv
Ellas han tema per lur avegnir. Ellas cumbattan per il clima e per la protecziun da l’ambient. Trais giuvnas dunnas, trais scolaras da la scola media, trais activistas che dattan prest tut lur temp liber per ina chaussa.
Ed ina che tuts enconuschan ....
