L'agid per requirents d'asil per returnar en lur patria chatta adina damain interess. L'onn passà hajan anc 1'700 requirents d'asil refusads bandunà dad els anora la Svizra. Il 2012 eran quai anc 6'000 persunas. Quai scriva la «SonntagsZeitung».
Bain saja il dumber da dumondas d'asil era sa reducì dapi lura, la cifra da quels ch'hajan prendì ils daners per returnar en patria, saja dentant sa sbassada anc pli fitg. Tenor il Secretariat da stadi per la migraziun sajan dentant er dapli persunas vegnidas renconuschidas sco fugitivs. Il 2007 sajan 19% da las dumondas d'asil vegnidas approvadas – il 2017 sajan quai gia stadas 26%. Quai mussia ch'adina dapli persunas ch'hajan er propi basegn da protecziun, tschentian ina dumonda d'asil
Sco il Secretariat da stadi per la migraziun ha ditg a la SonntagsZeitung, vegn il Cussegl federal anc a decider quest onn davart l'introducziun d'in nov model.
RR novitads 09:00