Svizra - Fugitivs: Chantuns pondereschan d’introducir plan d’urgenza
Ils chantuns pondereschan d’introducir il plan d’urgenza da la Confederaziun quai en vista al augment dal dumber da fugitivs. Quai ha ditg il president dals directurs da giustia e polizia chantunals Hans-Jürg Käser envers radio SRF. Il squitsch vegnia anc a s’augmentar.
Para han responsabels dals chantuns e da la Confederaziun discutà plirs scenaris d’urgenza. Tenor Käser saja quai uss necessari da metter las cifras sin maisa ed alura reagir. Il Cussegl federal aveva anc il settember decis che la situaziun en Svizra saja difficila, ma in plan d’urgenza na saja il mument betg necessari.
