Siglir tar il cuntegn

Svizra Fugitivs han gidà purs svizzers

Il project da pilot è grategià, manegia l'uniun purila. Tant ils purs sco er ils fugitivs sajan stads cuntents.

Maletg simbolic cun vatgas che mangian. Divers puressers svizzers han survegnì agid entras fugitivs.
Legenda: Maletg simbolic. Divers puressers svizzers han survegnì agid entras fugitivs. Keystone

Per ils fugitivs saja stà ina buna schanza per meglierar lur enconuschientscha da la lingua e dal fatg. Ils purs da lur vart hajan ludà la moda e maniera co ch'ils fugitivs sajan s'integrads en ils teams e las famiglias, scriva l'uniun purila. La lavur saja succedida cun la qualitad spetgada. En trais cas saja il contract da lavur schizunt vegnì prolungà. In fugitiv cumenzia prest la scolaziun sco practicist agrar.

Sfida da coordinaziun

Sa chapescha ch'il project haja er duvrà in pau engaschi. Ils pertutgas sajan stad confruntads cun grondas sfidas. Ils custs da coordinaziun na sajan er betg da sutvalitar. La finala sajan pertutgads plirs partenaris en il process d'intermediaziun.

Il facit è dentant tuttina positiv: Quest program gidia ils fugitivs da fitgar pe pli spert sin il martgà da lavur.
Il project vegnia perquai prolungà sco planisà enfin l'onn 2018.

RR Actualitad 12:00