Siglir tar il cuntegn

Header

Fugitivs a la duana svizra.
Legenda: Sche fugitivs possedan tar lur arrivada meds finanzials sur 1'000 francs, lura vala l'obligaziun da dar giu ina taxa. Keystone
cuntegn

Svizra Fugitivs ston dar giu lur possess

Autoritads svizras pon prender davent a requirents d'asil valurs da facultad per finanziar ils custs da la procedura d'asil u per restituir daners da l'agid social. Er en il Danemarc ha la regenza avant curt proponì d’introducir ina regulaziun sumeglianta – cun reacziuns criticas.

Talas reglas da prender davent la facultad a requirents d’asil valan gia dapi onns en Svizra, sco l'emissiun da televisiun «10 vor 10» da SRF ha rapportà.

Tenor lescha pon las autoritads confiscar daners, rauba d'ina tscherta valur e dabuns da la banca. Quai sto dentant esser supportabel per ils pertutgads. Salvar pon ils requirents d'asil valurs fin 1'000 francs.

Incassà en media 1875 francs per chau

Per cuvrir ils custs chaschunads dals requirents, po er vegnir pretendida ina taxa da fin 10% da la paja. Questa taxa speziala na po dentant betg surpassar 15’000 francs.

Las facultads incassadas èn tenor «10 vor 10» plitost modestas: l’onn 2015 han las autoritads prendì davent a 112 requirents rauba d’ina valur totala da 210’000 francs – pia 1875 francs per persuna. Tuttina ha in represchentant da l’Agid svizzer per ils fugitivs crititgà fermamain questa procedura durant l’emissiun.

RR novitads 06:00

Artitgels legids il pli savens

Scrollar a sanestra Scrollar a dretga