10 uniuns da giuventetgna chantunalas han vulvì il dies a la fundaziun Pro Juventute e fundà l'Associaziun Svizra Uffant Giuventetgna Famiglia. Oz, al di dals dretgs dals uffants han las anteriuras uniuns da Pro Juventute preschentà lur nova associaziun a la publicitad. Tenor ellas na saja la Pro Juventute betg pli stada en cas da garantir las purschidas localas. Perquai hajan els decidì da crear in'atgna structura per rinforzar las organisaziuns chantunalas e regiunalas.
Activa dapli che 100 onns
Las uniuns han s'engaschà dapli che 100 onns per giavischs e basegns d'uffants, giuvenils e famiglias e quai mintgamai en lur chantuns. L'intent da la nov'uniun è da vinavant realisar las campagnas en furma sco fin uss la Pro Juventute.
Ord l'archiv
video
100-Jahr-Jubiläum Pro Juventute
Or da Telesguard dals 30.05.2012.
laschar ir. Durada: 6 minutas 23 Secundas.