La Fundaziun dal clima Svizra reparta 1,3 milliuns francs per projects da proteger il clima en Svizra ed il Principadi da Liechtenstein. Tranter auter promova la fundaziun uschia mesiras vid bajetgs, tratgas d'insects ubain il diever dubel da parcadis per electricitad solara.
Sco quai che la fundaziun dal clima communitgescha veglia ella metter il focus en spezial sin mesiras vid bajetgs. Construir e mantegnair bajetgs sajan responsabels per ina gronda part da las emissiuns da CO2, argumentescha la fundaziun.