Siglir tar il cuntegn

Header

cuntegn

Fungicid Scumond per chlorothalonil

L'Uffizi federal d’agricultura ha decis da retrair la licenza per tals products, hai num en ina communicaziun. Memia autas restanzas da la substanza toxica en l'aua da baiver avevan procurà la stad per lingias grassas. Sinaquai aveva la Confederaziun instradà ina procedura per scumandar il fungicid.

Tenor l'uffizi federal è chlorothalonil da classifitgar sco substanza che po chaschunar cancer.

Tge è il fungicid?

Textbox aufklappenTextbox zuklappen

Chlorothalonil è la substanza che l’agricultura dovra gia dapi ils onns 70 sco fungicid. Mintg'onn vegnan sprizzadas circa 300 tonnas sin ils funs svizzers. Quai surtut per proteger la granezza da numerusas malsognas. Tar examinaziuns da l’aua sutterrana èsi vegnì mesirà valurs dal fungicid fitg autas.

Dapi 40 onns en acziun

Ils ultims onns sajan vegnidas rinforzadas las pretaisas per duvrar meds per proteger plantas. Products che sajan stads lubids avant 20 onns na sajan oz betg exnum anc adina adattads da vegnir lubids, hai num en la communicaziun.

Scumond aifer l'UE a partir dal 2020

Il mars passà aveva l’autoritad europeica per la segirezza alimentara per l’emprima giada fatg attent ch’ils products restants da chlorothalonil possian esser in privel per la sanadad. Sinaquai ha l’UE scumandà la substanza a partir dal 2020.

video
Chlorothalonil anc adina da cumprar
Or da 10vor10 dals 15.11.2019.
laschar ir

RR novitads 08:00

Artitgels legids il pli savens

Scrollar a sanestra Scrollar a dretga