Svizra - Furmaziun communabla per recruts svizzers ed austriacs
La Svizra e l'Austria .vulan collavurar pli stretg en chaussa politica da segirezza, quai han communitgà il minister da defensiun Ueli Maurer e ses collega d'uffizi austriac Gerald Klug suenter in inscunter a Berna.
Cun in project da pilot vulan ils dus vischins examinar ina furmaziun da recturs communabla. L'onn che vegn saja planisà in exercizi da 3 enfin 4 emnas cun mintgamai 80 recruts svizzers ed austriacs. Silsuenter vegnian ins a vesair co ch'i giaja vinavant e tge ch'ins possia emprender in da l'auter, uschia Maurer.