En Svizra datti tenor la Confederaziun a partir da quest onn 44 professiuns novas u modernisadas. La raschun per quest svilup saja la digitalisaziun. Nov saja per exempel la scolaziun da sviluppadra u sviluppader digital da business. Suenter in emprendissadi da quatter onns sustegnan las persunas dal fatg il svilup digital sco era la transfurmaziun ed innovaziun dad interpresas. Era sa fatschentan ellas cun dumondas dal mintgadi da commerci digital e megliereschan process e products. Il nov emprendissadi vegn purschì davent da la stad.
La Confederaziun examinescha almain mintga tschintg onns tut las professiuns fundamentalas ed adattescha quellas, sch'i fa da basegn. Er las purschidas da las scolas autas vegnan examinadas regularmain.
Or da l'archiv:
