Las scolas professiunalas dal chantun Turitg vegnian organisadas da nov. Il Cussegl da furmaziun dal chantun ha regulà da nov la repartiziun da las professiuns per scola. Las scolas duain en il futur daventar centers da cumpetenza per differents champs professiunals.
La decisiun dal cussegl da furmaziun dad oz è per la furmaziun professiunala en il chantun Turitg in term impurtant.
La veglia repartiziun na saja betg confurma al temp. Da nov vegnan las singulas furmaziuns professiunalas purschidas en pli paucs lieus. La midada vegnia er ad avair consequenzas per la magistraglia. Differents vegnian a stuair midar lur lieu da lavur. Il chantun quinta dentant ch’i na vegnia a dar naginas relaschadas.
Ord l'archiv
La Svizra é ina da las tiaras unicas che scolescha sin quella moda speziala ils emprendists. Numnadamain han ils emprendists sper la lavur era dad ir a scola.
RTR novitads 16:00