La proxima na datti nagina cursa da la furmla E en Svizra. Quai mussa il chalender da cursas publitgà da la federaziun internaziunala FIA per la stagiun 2019/2020. I dat 14 cursas en 12 citads. En l'Europa èn quellas tranter auter a Roma, a Paris, a Berlin ed a Londra.
En la stagiun actuala ha lieu ina cursa a Berna – exact en in'emna ils 22 da zercladur 2019. L'emprima cursa da la furmla E en Svizra era stada il zercladur 2018 a Turitg.
RR novitads 12:00