La vischnanca tessinaisa Gambarogno vul dar nova vita als «rusticis» – damai a las pitschnas chasas da vacanzas ch’èn vegnidas fatgas or dad ina stalla. Ella ha lantschà in’ acziun speziala cun il titel «Cumprar in «rustico» en ruina per in franc».
Blers interessents
Lunsch sur la vischnanca e bleras curvas en quests rusticis ch'ins po cumprar per in franc. Bleras chasas èn per part dadas ensemen. Tuttina èn tschients da persunas gia s’annunziadas tar la vischnanca. Els n’hajan betg quintà cun uschè bler interess, di il president da la vischnanca. Forsa n’hajan blers betg realisà tge che cumprar uschè in «rustico» vul dir. Renovar in tal «rustico» custa numnadamain plirs 10'000 francs e cuzza ditg.
Quants rusticis che Gambarogno po insumma vender per quest pretsch simbolic dad in franc decidan las autoritads chantunalas dal Tessin quest onn.
Ord l'archiv
A Sciaga han ins il 2019 era pudì cumprar in rustico per in pretsch simbolic dad 1 franc. Era là han ins studì renovar quel tenor tschertas perscripziuns.