Gieus da computer sajan ina cultura marcanta dal 21-avel tschientaner, ha ditg Berset en ses pled. Ultra da quai ha el discurrì d'in grond potenzial cultural ed economic.
Cun plirs tschientmilli visitadras e visitaders tutga la Gamescom tar las pli impurtantas exposiziuns da la branscha da gieus internaziunala en l'Europa. La 11avla ediziun dura fin ils 24 d'avust.
Gia per la setavla giada ha la fundaziun culturala Pro Helvetia organisà il stan per ils sviluppaders da gieus svizzers. Part a la delegaziun svizra fa tranter auter il studio «Momo-pi» da Bulle che ha per ses gieu «Persephone» gist gudagnà il Top 10 Award Google Play al Indie Games Festival 2019 en il Giapun e ch'è vegnì premià sco «best new game» tant sin Apple Store sco er sin Google Play.
RR novitads 15:00