Dacurt han l’Italia e la Germania dentant rinforzà lur leschas d’exportar gas. En in cas da crisa è l’export da gas en Svizra uschia quasi scumandà. Dentant maina la lingia da transit tranter ils dus pajais tras la Svizra. Perquai hajan las autoritads svizras smanatschà da duvrar gas da questa lingia per l’agen diever, er sch’il gas saja quintà per l’Italia. Tenor ina clausula haja la Svizra numnadamain il dretg latiers en cas da crisa.
Germania ed Italia na regeschan betg bain
En ils discurs davart ina cunvegna da solidaritad d’energia n’hajan la Germania e l’Italia para betg reagì uschè bain sin questa smanatscha, scriva la «SonntagsZeitung». L’Uffizi federal d’energia haja dentant relativà e ditg che mintga pajais tiria en consideraziun divers scenaris – uschia era scenaris extrems.