Siglir tar il cuntegn

Header

video
Nagina Quotidiana pli al kiosc
Or da Telesguard dals 23.01.2023.
laschar ir. Durada: 2 minutas 59 Secundas.
cuntegn

Gasetta rumantscha Nagina Quotidiana al kiosc pli

Il crap da stgarpitsch èn las novas cundiziuns per la vendita da gasettas en ils kioscs. L’editura da La Quotidiana, la Somedia, e l'interpresa che venda la gasettas a la possessura dals kioscs, la Valora SA, na sajan betg vegnidas perina.

I ha dà midaments da cundiziuns tar ils kioscs ed uschia n'hai betg pli rendì per nus, perquai che nus avessan stuì pajar sisur tar mintga exemplar che vegn vendì.
Autur: Silvio Lebrument president dal Cussegl d'administraziun da Somedia

Sperdita finanziala cun mintga exemplar

Sco il president dal Cussegl d’administraziun da Somedia, Silvio Lebrument, ha ditg a la FMR, avess la chasa editura fatg ina sperdita cun mintga exemplar da La Quotidiana. El deploreschia che La Quotidiana na vegnia betg pli vendida als kioscs. L’onn 2005 ha La Quotidiana anc stampà 4'600 exemplars, l’onn passà eran quai anc 3'400. Quants exemplars ch'èn vegnids vendids als kioscs u quants ch'èn vegnids returnads na po dir ni la Somedia ni la Valora SA.

Il schefredactur da la Fundaziun Medias Rumantschas FMR, David Truttmann, vesa quai sco svilup normal medial.

Cler, igl è donn che la gasetta rumantscha n'è betg pli preschenta en territoris rumantschs.
Autur: David Truttmann schefredactur FMR

L’interpresa da medias Somedia è dapi 26 onns editura da la gasetta interrumantscha La Quotidiana.

Or da l'archiv:

video
La Quotidiana – quatter refurmas pussaivlas
Or da Cuntrasts dals 25.10.2017.
laschar ir. Durada: 7 minutas 43 Secundas.

RTR actualitad 17:00

Artitgels legids il pli savens