Siglir tar il cuntegn

Header

Restaurant vit
Legenda: Keystone
cuntegn

Gastronomia «Nus duvrain sustegn»

Daners che na ston betg vegnir pajads enavos, uschenumnadas contribuziuns a fonds perdu, pretendan la branscha turistica e quella da la gastronomia dal Cussegl federal e quai immediat.

Las medemas pretensiuns fan era ils sindicats Unia e Syna pervia da la «situaziun desparada». I dovria uschè spert sco pussaivel mesiras, pertge ils pajaments empermess per cas da direzza na sajan anc betg arrivads. I smanatschian ulteriuras relaschadas e serradas da manaschis. Mesemna vul il Cussegl federal decider sche las ustarias restan serradas fin la fin da favrer.

Nagina chapientscha per «Nus avrin»

Da l'acziun «Nus avrin» sa distanziescha GastroSuisse dentant. Sut quest motto s'opponan intgins commerziants cunter las mesiras da corona. Glindesdi vulan els avrir lur fatschentas e restaurants – malgrà il scumond.
Dapi quest'emna appellescha la gruppaziun «Nus avrin» a malobedientscha civila. Ell'agescha anonim. L'idea deriva da nunconformists tudestgs. Entant datti er talas gruppaziuns en Svizra, en la Pologna, l'Ollanda e l'Austria.

RTR Novitads 17:00

Artitgels legids il pli savens

Scrollar a sanestra Scrollar a dretga