Siglir tar il cuntegn

Header

Restaurant
Legenda: Hotels, bars e restaurants han gì il fanadur in terz damain giasts ch'avant in onn. Keystone
cuntegn

GastroSuisse Hotels e restaurants pateschan vinavant

Hotels, bars e restaurants han gì il fanadur in terz damain giasts ch'avant in onn. Quai scriva l'associaziun professiunala Gastrosuisse.

Il pli fitg è la svieuta sa reducida en las citads ed aglomeraziuns. Sper ils lais ed en las muntognas saja la reducziun pli pitschna. Per blers hotels e restaurants saja la situaziun anc adina critica. La mesadad dals manaschis haja vinavant lavur curta.

Damain svieuta er il fanadur

L'entira restauraziun ha tenor GastroSuisse nudà en media ina perdita da la svieuta da 31,8 fin 66,5% en cumparegliaziun il fanadur 2019. "Sche la situaziun cuntinuescha, dovri ulteriuras mesiras da sustegn, per spendrar interpresas ed evitar ina reducziun da las plazzas", hai num dal president da GastroSuisse, Casimir Platzer.

Passa la mesadad dals manaschis è tenor la retschertga dependent da lavur curta; ina pussaivladad, che sto cuntinuar per tut pretsch
Autur: Casimir PlatzerPresident GastroSuisse

La situaziun saja per blers manaschis critica. Ord quest motiv stoppian ins er far tut il pussaivel per evitar ina segund'unda d'infecziuns.

RTR novitads 16:00

Artitgels legids il pli savens

Scrollar a sanestra Scrollar a dretga