Benoît Carcenat è il cuschinier da l'onn 2023. L'um da 43 onns, oriund da la Frantscha, è schef da l'ustaria «Valrose» a Rougemont en il chantun Vad. Il guid da gastro «Gault Millau» ha dà a Carcenat 18 da 20 puncts pussaivels. Quai è vegnì communitgà a chaschun da la vernissascha da l'ediziun 2023 dal magazin «Gault Millau Svizra». La giuria ha ludà Benoît Carcenat sco giuven cuschinier che ha svilupà fitg spert ses agen stil, ensemen cun in team fitg motivà.
Caminada en il «club dals 19»
Tranter ils cuschiniers cun 19 puncts tutga er l'onn 2023 il Sursilvan Andreas Caminada cun sia ustaria en il chastè da Schauenstein. En tut survegnan sis cuschiniers la destincziun da 19 puncts:
- Andreas Caminada (Farschno GR)
- Philippe Chevrier (Satigny GE)
- Frank Giovannini (Crissier VD)
- Tanja Grandits (Basilea)
- Peter Knogl (Basilea)
- Heiko Nieder (Turitg)
Las meglras ustarias en il Grischun
Sco mintg'onn publitgescha il Gault Millau er separà las meglras adressas dals chantuns. En il Grischun èn quai sper Andreas Caminada:
- «Da Vittorio», Carlton Hotel San Murezzan (18 puncts)
- «Ecco», Giardino Mountain Champfèr (18 puncts)
- «Talvo by Dalsass», Champfèr (18 puncts)
- «7132 Silver», Val son Pieder (18 puncts)
- «La Brezza», Tschuggen Grand Hotel Arosa (17 puncts)
- «Vivanda», In Lain Hotel Cadonau Brail (17 puncts)
- «Epoca by Tristan Brandt», Flem (17 punts)
- «Igniv», Badrutt's Palace Hotel San Murezzan (17 puncts)
- «Cà d'Oro», Grand Hotel des Bains Kempinski San Murezzan (17 puncts)
- «The K by Mauro Colagreco», Hotel Kulm San Murezzan (17 puncts)
I dat er ustarias che vegnan menziunadas per l'emprima giada en il Gault Millau. En il Grischun èn quai:
- «La Chavallera», La Punt Chamues-ch (16 puncts)
- «Hotel Post», Andeer (14 puncts)
- «Stüvetta», In Lain Hotel Cadonau Brail (14 puncts)
- «Ustria Startgels», Flem (14 puncts)
- «Krone», San Murezzan (14 puncts)
- «Paradiso», Badrutt's Palace Hotel San Murezzan (13 puncts)