Siglir tar il cuntegn

Header

Silvio Germann
Legenda: Silvio Germann è la scuverta da l'onn e maina l'ustaria «Igniv» dal cuschinier grischun Andreas Caminada. mad
cuntegn

Svizra Gault Millau: Cuschinier dal «Igniv» è la scuverta da l'onn

Il giuven cuschinier da 26 onns Silvio Germann maina l'ustaria «Igniv» dal cuschinier grischun Andreas Caminada en il Grand Resort a Bogn Ragaz. Cun 16 puncts è German vegnì onurà sco scuverta da l'onn en la Svizra tudestga.

Avant paucs dis ha l'ustaria «Igniv» survegnì ina staila da Michelin. Andreas Caminada sez ha salvà ses 19 puncts da Gault-Milliau per il «Schauenstein». Da nov cun 17 puncts da Gault-Millau en l'Engiadina è Dario Cadonau a Brail. Er auters cuschiniers en il Grischun han survegnì dapli puncts, uschia per exempel Corsin Pally da la «Casa Alva» a Trin cun danov 16 puncts.

L'hotel «The Chedi Andermatt» da l'investur egipzian Samih Sawiris è vegnì onurà sco hotel da l'onn 2017. L'hotel «Hôtel de Ville» a Crissier en il chantun Vad ha survegnì in'ulteriura giada 19 puncts. Il nov schef da cuschina Franck Giovannini tutga cun quai directamain tar ils sis megliers cuschiniers da la Svizra.

Rico Zandonella vid la lavur en la cuschina da ses local «Rico's» a Küsnacht en il chantun da Turitg.
Legenda: Il cuschinier da l'onn 2017 Rico Zandonella vid la lavur en la cuschina da ses local «Rico's» a Küsnacht en il chantun da Turitg. Keystone

Rico Zandonella è il cuschinier da l'onn

Il Tessinais ha survegnì 18 puncts da Gault-Millau. El maina l'ustaria «Rico's» a Küsnacht, chantun da Turitg. Zandonella ha surpiglià il 2011 l'ustaria Kunststuben a Küsnacht, chantun Turitg. Dapi lura sa numna il local «Rico's». Plinavant ha il guid da buna cuschina onurà Laurent Eperon, Felix Suter, Alain Bächler ed Andrea Bertarini sco newcomers da l'onn.

RR novitads 14:00

Artitgels legids il pli savens

Scrollar a sanestra Scrollar a dretga