Il «cuschinunz da l'onn» è ina dunna. Per il 2020 va la distincziun dal guid da gastro Gault Millau a Basilea, numnadamain a Tanja Grandits. Suenter il 2014 è quai gia la segunda giada che la cuschiniera dal Restaurant Stucki al Bruderholz a Basilea survegn questa distincziun.
- videoIl schef da Gault Millau, Urs Heller, davart GranditsOr da Glanz & Gloria-Clip dals 07.10.2019.laschar ir. Durada: 41 Secundas.
Urs Heller, il schef da da Gault Millau,
è intgantà, co la cuschinunza Tanja Grandits va enturn a moda virtuusa cun aromas, ervas, colurs ed essenzas, ed er da ses stil da manar orientà al team.
Ultra da quai ha la cuschiniera tudestga da 49 onns er survegnì in punct da Gault Millau dapli, numnadamain 19. Cun quai è ella l'emprima dunna en Svizra ch'ha enfin uss survegnì la pli auta valitaziun. Be set da ses collegas umens partan quest'onur – in dad els è il Grischun Andreas Camindada dal Schloss Schauenstein a Farschno.
Ils megliers en Grischun
Tar ils megliers restaurants en Grischun tutga er il 7132 Silver a Val S. Pieder. Spezial è ch'il cuschinunz Mitja Birlo ha pir dacurt surpiglià il restaurant e ch'el survegn gist 18 puncts. Sco usità figureschan er quest onn bleras ustarias grischuna en il guid da gourmet. Uschia han 11 restaurants da nov fatg il pass sin la glista da Gault Millau.
RR novitads 14:00