Svizra - Gea ad emprova da pilot cun clubs da cannabis
La citad da Berna duai sa participar ad in'emprova da pilot cun uschenumnads clubs da cannabis. Il parlament ha deliberà ina moziun da las fracziuns da l'Allianza verda e l'Alternativa giuvna.
En ils clubs da cannabis fiss liber il consum da la droga flaivla. Tgi che vul visitar in club sto dentant esser commember d'ina uniun. Il cannabis vegniss furnì da purs licenziads uffizialmain. Tenor l'Allianza verda dettia bunas schanzas che la Confederaziun lubeschia in'emprova da pilot cun clubs da cannabis en ina furma scientifica.
