Siglir tar il cuntegn

Header

Video
Generation What - Pudessas ti esser cuntent senza uffants?
Or da Battaporta dals 10.10.2016.
laschar ir
cuntegn

Generation What 3 da 5 persunas fissan cuntentas senza uffants

Pudessas ti esser cuntent senza uffants? Passa 5'000 persunas han respundì questa dumonda e la gronda part cun dir «gea». Na vulan questas persunas betg uffants? N'han els betg gugent uffants u daco pon questas persunas esser pli cuntentas senza uffants?

60% cunter 40% è la media da tuttas persunas che exprimì lur opiniun. Questa proporziun na sa mida dentant betg ferm, sch'ins guarda sin las singulas categorias da vegliadetgna. Tar ils giuvens creschids tranter 18 e 25 onns è la proporziun sin 58% gea e 42% na, tar ils creschids da 26 fin 34 onns sin 61% gea e 39% na e tar las persunas ch'èn pli veglias che 34 onns sin 62% cunter 38%.

Differenzas en cumparaziun cun noss vischins

Tut in auter maletg sa mussa tar ils pajais vischins en il vest ed en l'ost da la Svizra. En Frantscha din 63% da las persunas ch'ellas na fissan betg cuntentas senza uffants, en l'Austria èn quai 56% da las persunas. En la Germania din 53% da las persunas ch'han dà resposta ch'ellas fissan cuntentas senza uffants. En l'Italia è il diember schizunt sin 74%.

Co ch'i stat en auters pajais u tge resposta ch'ils Talians tranter 26 e 34 onns han dà pudais er guardar qua:

Generation What?

E co vesa quai ora tar tai? Tutgas ti era tar questa maioritad che fiss cuntenta senza uffants? U es ti ina persuna che vuless gugent uffants? Ta participescha er ti al questiunari da Generation What, il link avra en ina nova fanestra.

Dapli da Svizraavrir la Landingpage

Nach links scrollen Nach rechts scrollen