Generation What?
Da las quasi 10'000 giuvnas e giuvens tranter 16 e 17 en l'Italia, ch'han respundì a la dumonda, èn da quai da 58% da l'avis ch'ils giuvens duain avair il dretg sin las plazzas.
Il matg muntava la quota da dischoccupaziun tar ils giuvenils talians a prest 37%. Cun questa quota figurescha il pajais da l'Europa dal sid sin plazza trais, quai davos la Spagna (44%) e la Grezia (50,4%).
Spagnolas e Greccas pensan però auter
Interessantamain èn las respostas dals giuvenils da quests dus pajais però tut autras. En Spagna per exempel èn sulet 22% dals tranter 16 e 17 onns da l'avis ch'ils giuvenils duain survegnir la precendenza en temps d'ina auta dischoccupaziun. En Grezia èn quai il mument 30%. Las datas sa midan cuntinuadamain. Il questiunari da Generation What è anc avert fin l'avrigl 2017.
E co vesi or en Svizra? Fin ussa han radund 3'000 Svizras e Svizzers respundì a la dumonda. Tge pensas ti? Ta participescha er ti al questinuari online «Generation What?».