Entant che 40% dals giuvenils svizzers survegnan tranter 50 e 200 francs al mais survegnan passa la mesadad dals giuvenils en Spagna pli pauc che 50 francs al mais da lur geniturs. In terz dad els survegn insumma nagins daners da satg. Forsa tutgas ti schizunt tar quests giuvenils en Svizra che survegnan tranter 200 e 500 francs al mais? Quai èn numnadamain 19% dals giuvenils che han respundì questa damonda da retschertga dal project Generation What. Bun, forsa èsi d'agiuntar che mo 266 giuvenils svizzers tranter 16 e 17 onns han respundì enfin ils 8 d'avust 2016 a questa dumonda. Quà pos er ti far part a la retschertga!
Damain che 50 francs
Passa la mesadad dals giuvenils da la Belgia, la Germania e da l'Irlanda survegnan damain che 50 francs al mais. E quai vala er per in zic pli pauc dals Franzos, Talians, Englais e Hollandais. Dals Hollandais han schizunt 48% dals giuvenils tranter 16 e 17 onns inditgà ch'els survegnan damain che 50 francs al mais da lur geniturs.
Austriacs survegnan anc dapli
Anc meglier che cun ils Svizzers vai - tenor il stan dals 08-08-2016 da la retschertga - cun ils Austriacs. Guarda tez ils resultats cun cliccar en la tabella sin l'Austria:
Las datas numnadas en quest artitgel sa midan cuntinuadamain.
En blers pajais na vegni betg discurrì da daners
Forsa è quai er ina conclusiun fallada, ma fatg è ch'ils blers giuvenils dals pajais ch'han fatg part a l'enquista n'han gnanc respundì a questa dumonda. Els han dentant anc temp fin l'avrigl 2017.