Legenda:
«Generation What?» duai dar respostas a las dumonda tgi ch'ils giuvens e las giuvnas da l'Europa èn.
RTR screenshot
cuntegn
Generation What - Il pli grond selfie da l’Europa
Tgi èn ils giuvens da l’Europa? Il meglier recept per vegnir a respostas: dumandar els ed ellas sez. Precis quai è la finamira da la retschertga online «Generation What?». Ella fa 149 dumondas da politica, scolaziun ed etica enfin a sex, amicizcha ed amur - ed a partir dad uss era in rumantsch.
In exempel da 149 dumondas è la dumonda fatga a 547’060 persunas en 27 pajais «Pudessas ti esser cuntent senza infurmaziuns actualas e novitads?»
Rumenia (106) 65% gea : 35% na
Svizra (2’992) 63% gea : 37% na
Russia (58) 59% gea : 41% na
Frantscha (207’844) 49% gea : 51% na
Italia (57’610) 41% gea : 59% na
Cun l'acziun «Generation What?» sa metta ina dunsaina dad emetturs dal dretg-public europeics en tschertga dal stadi d'anim da la generaziun giuvna da l'Europa. Il questiunari cun sias 149 dumondas è vegnì lantschà l'avrigl. Dapi lura s'han partecipads bunamain 600'000 persunas da 30 pajais.
«Generation What?» a partir dad uss era cun datas rumantschas
Ensemen cun la Radiotelevisione Svizzera RSI e la Radio Télévision Suisse RTS sa participescha era Radiotelevisiun Svizra Rumantscha RTR al project. Perquai datti uss era la pussaivladad da far il questiunari en rumantsch.
Sa partecipar è dapli che mo in gag
Per ils giuvens è «Generation What?» ina schanza da far udir lur vusch. Per la politica internaziunala vegni ad esser la schanza u era la sfida dad ir enturn cun quai ch’ella vegn ad udir da questa retschertga.
Che la politica vegn a s’interessar mussa l’exempel da la Frantscha. La retschertga franzosa «Generation Quoi», il model per «Generation What?», ha influenzà debattas politicas e process legislativs.
Möchten Sie diesen ergänzenden Inhalt laden?
Hinter diesem Platzhalter verbirgt sich ein externer Inhalt (z.B. ein Social Media Post oder ein Video), den unsere Redaktion empfiehlt.Mehr
Dieser Platzhalter erscheint, weil Sie die Verwendung von «Social Media und externen Drittsystemen» in Ihren Datenschutz-Einstellungen deaktiviert haben. Klicken Sie auf «Inhalt laden», um diesen Inhalt einmalig anzuzeigen. Dabei können Cookies gesetzt und Daten an externe Anbieter übertragen werden. Passen Sie Ihre Datenschutz-Einstellungen an, um solche Inhalte dauerhaft anzeigen zu können.
