In pau po questa gronda differenza esser perquai ch'ils giuvenils èn anc vid chattar sasez. Gist en la vegliadetgna da 16 enfin 25 fan blers tras ina fasa experimentala. I vegn experimentà cun resti e styling, ma er cun differents stils da musica. Ins sto sa decider per la professiun e far in emprendissadi u sa decider da far ina matura ed ir a studegiar. Durant quai temp dovri l'individualissem e mintgatant er l'egoissem.
Cun 25 onns èn las prioritads autras che cun 16 onns ed er cun 50 èn ins en in'autra fasa da la vita. L'individualissem n'è betg pli el center mabain forsa la famiglia u la lavur. Ed i è strusch pli chapibel ch'ins è sez ina giada stà en questa fasa d'experimentar.
Stgars 53% da tut ils Svizzers chattan ch'i dettia memia bler individualissem. Era la Frantscha, l'Italia e la Grezia èn cun passa 80% da quai avis. Spagna e Belgia suondan cun be pauc sut 80%. Sche ti vul guardar dapli detagls poss ti cliccar qua sut u gist sez far part dal questiunari «Generation What».