Per s'infurmar surda eveniments actuals dovra la generaziun Z surtut paginas d'internet, podcasts, blogs u medias socialas. Be 24% d'els s'infurmescha via medias tradiziunalas sco magazins e gasettas, radio u televisiun. Per cumparegliar: Per 44% persunas sur 35 onns èn las medias tradiziunalas anc adina emprima schelta, sch'i va per esser up to date.
Persistenza e sanadad
Persistenza e sanadad giogan ultra da quai ina gronda rolla per la generaziun Z. 37% d'els emprovan dad evitar plastic e dus terzs d'els èn pronts da pajar dapli per products regiunals. Passa la mesadad d'els èn pronts da pajar dapli per products biologics.
Per la retschertgà èn vegnids dumandads 10'000 consuments en l'entira Europa, tranter quels 2000 persunas da la generaziun Z. Quels tranter 18 e 24 fan or circa 6% da la populaziun Svizra.
