A Genevra èn charradas ier saira tranter 50 e 60 persunas cun lur velos sin l’autostrada. La polizia ha reagì spert e bloccà las vias d’access, sco ella ha communitgà. Blessads n’hai dà nagins ed er naginas arrestaziuns. Gia il suentermezdi èn pliras persunas sa radunadas cun lur velos davant il palaz da giustia. Là èn tschintg da lur camarats vegnids declerads nunculpants. Il process va enavos sin l’onn 2020.
A Genevra datti dapi 20 onns mintga mais ina parada da velos, enconuschenta sut il num “Critical Mass”. Cun questa acziun vulan els far attent al traffic betg motorisà.