Siglir tar il cuntegn
cuntegn

Svizra Genevra dovra dus novs Cussegliers dal chantun

En il chantun Genevra sto il suveran eleger l'onn proxim dus novs represchentants per il Cussegl dals chantuns. Il verd Robert Cramer sa retira suenter trais periodas d'uffizi. Quai ha Cramer communitgà il mardi.

Purtret da Robert Cramer en il Cussegl dals chantuns
Legenda: Robert Cramer na candidescha betg per ina quarta perioda en il Cussegl dals chantuns. Keystone

Gia il 2015 aveva Robert Cramer targlinà, è lura dentant tuttina stà a disposiziun per defender il sez. Oz saja la situaziun però autra, ha Cramer ditg envers il radio RTS. Ils Verds sajan sin buna via. I dettia avunda candidats che sajan abels da surpigliar quest post.

La fin da settember aveva gia la segunda represchentanta da Genevra, Liliane Maury-Pasquier da la PS, annunzià ch'ella na candidescha betg pli.

RR novitads 06:00