La droga crack sa derasa en intginas regiuns svizras. A Genevra saja il dumber da consumentas e consuments dal cocain ch'ins po fimar sa dublegià dal 2021 fin il 2022. Il post da distribuziun per persunas dependentas ha annunzià l'onn passà en media 47 visitas a di, sco il departament da sanadad ha communitgà.
Crack saja uschè popular perquai ch'ins possia survegnir fitg tgunsch la droga e perquai ch'ella saja pulit bunmartgada. Per franar l'affluenza da consumentas e consuments han las autoritads da Genevra prendì mesiras e dà en incumbensa in studi.
