La procura publica da Genevra n’ha chattà nagins indizis per fraud electoral e corrupziun en il biro electoral dal chantun. Tenor las cumprovas actualas na dettia nagins indizis ch’ils resultats da votaziuns passadas sajan vegnids manipuladas. Quai ha communitgà il procuratur public Olivier Jornot.
Legenda:
Procuratur public Olivier Jornot:«Las examinaziuns cuntinueschan anc, bleras persunas n'èn anc betg vegnidas interrogadas».
Keystone
Il suspectà è puspè liber
L'emna passada avevan duas persunas accusà in collega da lavur d'avair manipulà pliras votaziuns. Il suspectà ch’è vegnì arrestà il venderdi è puspè libers. Il suspectà dastga dentant betg entrar en il biro da votaziun ed el dastga era betg contactar ses collegas da lavur.
RR novitads 16:00