Per dastgar lavurar, ston persunas da la tgira en il chantun Genevra avair a partir dals 23 d'avust in certificat da corona. Els duain cumprovar ch'els èn vaccinads, testads u guarids dal virus. Tgi che na vul betg in certificat sto ir a sa laschar testar mintga 7 dis. Tenor ina communicaziun da la regenza smanatschan uschiglio consequenzas giuridicas a quels che na sa tegnan betg vi da las reglas. Pierre- André Wagner da la federaziun professiunala dal persunal da tgira declera co il persunal ha retschavì questa nova:
Il tun smanatschand en la communicaziun disturbia dentant, di Wagner. Il chantun da Genevra è cun quai in dals emprims chantuns che suonda la recumandaziun da l'Uffizi federal da sanadad.