Siglir tar il cuntegn

Header

Logo da banca.
Legenda: Er la plazza da finanzas Genevra frunta sin temps pli difficils. Keystone
cuntegn

Svizra Genevra: Sectur da bancas sut squitsch

La situaziun sin la plazza da finanzas Genevra è main buna. Quai è il facit da la Fundaziun plazzas da finanzas Genevra che ha preschentà sia enquista da conjunctura per ils onns 2016 e 2017.

Tar in terz da las grondas bancas a Genevra è il gudogn sa reducì per 8 fin 14%, tar in quart da las bancas mesaunas per passa 15%. Tenor ils experts saja quai indizis ch'i vegn reducì plazzas, gist sco en la Svizra tudestga.

Cunquai che las bancas grondas han da sbatter cun problems pli gronds quintan ins plitost là ch'i vegn stritgà plazzas. Las cifras d’occupaziun en il sectur da finanzas vegnan be publitgadas mintga dus onns.

Bancas pitschnas betg uschè periclitadas

Main problematica para la situaziun dad esser tar instituts pli pitschens. Tuttina sa chattan passa la mesadad dad els en in spectrum tranter 7% perdita e 2% gudogn. Il medem vala er per administraturs da la facultad independents.

Tut en tut sa reducescha la facultad administrada da las bancas. Il studi declera quest trend cun la situaziun actuala als martgads.

RR novitads 10:00

Artitgels legids il pli savens

Scrollar a sanestra Scrollar a dretga