Siglir tar il cuntegn

Header

cuntegn

Svizra Geniturs na tiran betg enavant sentenzia en il cas Adeline

La Dretgira penala da Genevra ha sentenzià l'assassin da la terapeuta sociala Adeline a praschun per vita duranta, ed ad internament ordinari. Las expertisas psichiatricas han influenzà la sentenzia.

Per ils dus experts franzos è l’um in psicopat cun disturbis pervers. Ils dus experts svizzers da lur vart han discurrì d’in grev disturbi disocial. Bain hajan tut ils examinaturs valità sco fitg aut il privel per in ulteriur delict, ha ditg il president da la dretgira. Els na hajan dentant betg taxà l’um sco betg terapabel fin a la mort. Perquai na saja in internament per vita duranta betg stà pussaivel.

Nagins dubis dals delicts

L'um da 42 onns è culpaivel en tut ils puncts d'accusaziun. La dretgira al ha sentenzià pervi d’assassinat, privaziun da la libertad, act sexual sfurzà ed engol. La sentenzia n’ha anc betg valur legala e po anc vegnir tratg enavant a la Dretgira chantunala da Genevra. Ils geniturs d'Adeline na vegnan dentant betg a far recurs cunter la sentenzia.

L’accusà ha prendì enconuschientscha da la sentenzia senza mussar emoziuns.

Accusà aveva nizzegià ina pitschna libertad

L'um aveva rapinà e mazzà la terapeuta l'onn 2013, cura ch'el aveva dastgà bandunar la praschun per curt. Suenter ina fugia da trais dis, aveva la polizia tudestga al tschiffà. L’accusà era gia stà sentenzià pervi da duas violaziuns a 20 onns praschun.

RR novitads 18:00

Artitgels legids il pli savens