Siglir tar il cuntegn
Inhalt

Svizra Géraldine Savary na vul betg pli

Géraldine Savary na candidescha l’auter onn betg pli per il Cussegl dals chantuns. Quai ha la politicra da la Partida socialdemocratica dal chantun Vad declerà davant las medias.

Politicra svizra.
Legenda: Géraldine Savary na candidescha l’auter onn betg pli per il Cussegl dals chantuns. Keystone

Plinavant renunzia Savary er al vicepresidi da la Partida socialdemocratica. Il squitsch da las medias haja attatgà sia sanadad. Ella n'haja betg pli la forza da far in cumbat electoral, ha ditg Savary.

Ella è vegnida en il focus da las medias, perquai ch'ella è vegnida sustegnida durant ils cumbats electorals dal 2011 e 2015 dal milliardari Frederik Paulsen. Tenor Savary haja ella valità il sustegn finanzial a moda fallada.

Paulsen è possessur e president dal cussegl d’administraziun da l’interpresa da farmazia Ferring.

RR novitads 15:00