L'anteriur reverenda da Hallau en il chantun Schaffhausen è mort la mesemna a bunura. Quai conferma il secretariat da Christoph Blocher.
Il frar da politicher il pli enconuschent
Il – tenor il Sankt Galler Tagblatt – pli enconuschent frar dad in politicher en Svizra ha chaschunà diversas giadas pitschens scandals ils ultims onns. Uschia ha el numà la chasa federala en ina reportascha dad SRF in 'chamon da pors'.
Reverenda e president communal
Gerhard Blocher è stà durant 22 onns reverenda a Hallau e dal 1998 fin il 2001 era president da vischnanca. Il 2012 ha el candidà senza success per il parlament chantunal da Schaffhausen. Dapi il 2013 abitava el en ina chasa d'attempads.