En vista che bleras da las persunas najadas derivan da l'ester vul la Societad svizra da salvament translatar las reglas per ils bagnaders en ulteriurs linguatgs. Quai a ditg il pledader da la societad.
In'ulteriura gruppa fitg periclitada dasper ils esters èn umens. Var 3/4 dals najads èn persunas masculinas.
Las 6 reglas per bagnaders da la Societad svizra da salvament:
- Uffants duain ir en l’aua be accumpagnads – avair uffants pitschens per mauns.
- Mai ir en l’aua sut l’influenza d’alcohol u drogas. Mai nudar cun magun plain ni vid.
- Mai siglir en l’aua surstgaudà. Il corp dovra temp per s’endisar a la temperatura da l’aua.
- Mai siglir en auas turblas u nunenconuschentas. Il nunenconuschent po cuntegnair privels.
- Matratschas d’aria ed agids da nudar na s’audan betg en auas profundas. Quels na porschan nagina segirezza.
- Mai nudar distanzas lungas sulet. Er in corp trenà fitg bain po avair ina flaivlezza.
RR novitads 15:00