Siglir tar il cuntegn

Header

cuntegn

Gia la segunda en la regiun Attatga da cyber sin vischnanca da Montreux

Montreux è daventà unfrenda dad in'attatga da cyber. La dumengia a bun'ura hajan ins constatà l'attatga, ha la vischnanca al Lai da Genevra annunzià. La vischnanca Montreux haja installà in stab da crisa. Ed i vegnia sclerì, sche datas sajan vegnidas enguladas. I saja pussaivel che l'attatga saja gia stada avant ina u duas emnas, ha ditg Dounya Schürmann-Kabouya, pledadra da l'organisaziun da segirtad Riviera (ASR).

Per motivs da segirezza hajan ins distatgà il sistem da computers da l'administraziun communala dal sistem chantunal. L'administraziun da Montreux na saja betg pli colliada cun l'internet. Il stab da crisa lavura ensemen cun l'ASR e la Polizia chantunala dal Vad e ha fatg ina denunzia penala.

Rolle en il Vad er stà pertutgà

La fin matg è gia la vischnanca Rolle en il chantun Vad stada pertutgada d'ina attatga da cyber. Lura èn las datas da la vischnanca vegnidas enguladas e pli tard cumparidas en il darknet, in lieu zuppà en l'internet.

RTR novitads 06:00

Artitgels legids il pli savens